Shirkadda Apple oo bilowday ku samaynta iPhone 17 cusub gudaha dalka India iyada oo hore ugu samayn jirtay dalka China. Tallaabadan oo yarayn doonta ku tiirsanaanta shirkadda Apple ee dalka China iyo ka fogaanshaha cashuuraha Mareykanka, Waaxana Apple ay higsanaysaa sidii ay ugu samayn lahayd kala badh iPhone-da gudaha dalka India marka la gaadho sannadka 2027.
Apple muddo dheer ayay ku dadaalaysay in ay yarayso ku-tiirsanaanta Shiinaha oo ahaa xarunta ugu weyn ee isu-geynta iPhone-ka. Xiisadaha ganacsi iyo cashuuraha dheeraadka ah ayaa ku qasbay in ay raadsato goobo kale oo istiraatiiji ah.
Qorshaha wax-soo-saar caalami ah.
Apple waxay leedahay qorshe ah in aysan waxsoosaarkeed kaliya ku koobin dalka China.Shiinaha oo keliya. waxay rabtaa in ku dhawaad 50% waxa soo saarkeeda iPhone-ka iyo agabka kale ay u ku samayso.
Siyaasadda Mareykanka ayaa saamayn weyn leh. Cashuuraha culus ee lagu soo rogay alaabaha ka imanaya China waxay ku qasbeen Apple in ay dedejiso qorshaha kala-duwanaanta wax-soo-saarka.
Warbixin ay soo saartay Bloomberg ayaa sheegtay in dhammaan noocyada iPhone 17, hadda lagu samaynayo dalka India Hindiya oo si toos ah loogu diraayo Mareykanka laga bilaabo maalinta koowaad ee suuq-geynta.
Tani waa guul muhiim ah oo Apple ah. Waa markii ugu horreysay jiil dhan oo cusub oo iPhone ah lagu soo saaro laba dal oo kala duwan. Waxaa suurtagal ka dhigay laba warshadood oo cusub oo ay Apple ka furtay Dalka India, kana dhigaysa tirada guud warshadaha iPhone-ka soo saara 5 warshadood.
Caqabado siyaasadeed
Markii hore qorshahan ayaa ku sigtay inuu fashilmo markii madaxweynihii hore Donald Trump uu ku soo rogay cashuur dhan 50% alaabaha laga keeno India. Tani waxay ka dhignayd in wax-soo-saar India aanu wax faa’iido ah u lahayn Apple.
Laakiin shirkaddu waxay heshay ka-reebis cashuurta kadib markii ay siisay maamulka Mareykanka fursado muujinaya in Apple uu leeyahay wax-soo-saar gudaha dalka. Heshiiskan ayaa u oggolaaday shirkadda in ay sii waddo qorshaheeda.
Mustaqbalka wax-soo-saarka Apple.
Tallaabadan waxay muujinaysaa istiraatiijiyad waqti dheer ah oo ay Apple leedahay, waxaana ay rabtaa in ay ka yareyso halista ku-tiirsanaanta hal dal oo keliya. xidhiidhka ganacsi ee Mareykanka iyo China waa mid aan degganayn, Sidaas darteed Apple waxay rabtaa in ay qaybiso wax-soo-saarkeeda.
